لا تحكو قدام حدا!

لا تحكو قدام حدا!

المشهد بالشقلوب

قاعد أنا وابني بهيج الله يخليه ويخلي ولادكم، سألني بابا انت عشت أيام الاستعمار … قلتلو: لا والله بابا حبيبي أنا ولدت بعد الأستعمار بفترة منيحة، بس جدك الله يرحمو كان يحكيلنا كتير عن أيام الأستعمار.

قلي ابني بهيج الله يخليه ويخلي ولادكم: طيب بابا شو كان يعمل الاستعمار؟.. قلتلو: والله يا بابا يا حبيبي كان الاستعمار يسرق خيرات البلد، وما يعطي للشعب شي، وكان يخنق الشعب وما يخليه يتنفس. 

قلي بهيج الله يخليه ويخلي ولادكم: كيف يعني كان يخنق الشعب؟؟.. قلتلو: يعني كانت الأسعار كتير غالية، والناس ما معها مصاري أبدا، وما حدا يقدر يشتري شي، واللي كان يحكي ويحتج كانوا يحطوه بالسجن. 

قلي بهيج الله يخليه ويخلي ولادكم: يعني متل الوضع هلق عنا بالبلد؟ مو أنت بتقول ما تحكو شي أحسن ما يضبونا؟.. قلتو لا بابا حبيبي هو هيك، هدوك كانوا فرنسيين وعثمانيين، وكانوا مستعمرين.. 

قلي ابني بهيج الله يخليه ويخلي ولادكم: طيب مو عم يرفعوا الأسعار كل فترة، وكل يوم بيطلعوا بقرار جديد، مبارح غلو الإنترنت واليوم رفعوا سعر المازوت، ومبارح سمعتك عم تقول والله الحكومة خنقتنا خنق.. قلتلو: ولا بهيج، إذا بتحكي هالحكي قدام حدا وخاصة أبو الريم بدي ألعن أبو أبوك…



 


 

شارك برأيك .. لتكتمل الصورة


استطلاعات الرأي

يجب ان تختار خيار قبل ارسال التصويت
في ظل الظروف الحالية.. برأيكم ما هو السن المناسب للزواج بالنسبة للشباب في سورية؟
بين 25 و 30 سنة؟
من 30 الى 35 سنة؟
بين الـ 35 و الـ 40 عاماً
بعد الاربعين؟
النتائج
بين 25 و 30 سنة؟
من 30 الى 35 سنة؟
بين الـ 35 و الـ 40 عاماً
بعد الاربعين؟

الأكثر مشاهدة هذا الشهر