كندا حنا.. ترد على منتقدي شخصيتها في مسلسل الكندوش
تخوض الفنانة كندا حنا السباق الرمضاني من خلال مسلسل البيئة الشامية ( الكندوش)، و تجسد فيه شخصية فتاة محافظة نشأت على العادات و التقاليد الشامية ولا تخاف قول الحقيقة .
وأعربت كندا حنا عن غضبها من الانتقادات الغير مهنية التي طالت شخصيتها (أمل) في المسلسل، فردت عبر خاصية الستوري على انستغرام على أحد الصور التي كانت مرفقة بتعليق ( الاسم كندا حنا، المهنة : صمدية في مسلسل الكندوش مرضية لأبوها) .
فكتبت : ( هاد التجييش على السوشال ميديا صار مكشوف.. اليوم صاروا كتير من الناس عاملين حالهم نقاد و هني مجرد أشخاص بيتخبوا تحت اسم صفحات و بهاجموا الفنانين لصالح و مقابل مدح فنانين آخرين..
نزلوا عن كتافنا .. بلعب الدور اللي بيعجبني.. إذا ما حبيت فيك تنتقد بس الكذب و إصدار الشائعات عيب، و روح تابع نجماتك المفضلات) .
وتابعت : ( بس بدك تقلل أدب منشان تطلع على كتافي أنت و غيرك في طرقات تانية للنجاح أنك تتعب على حالك بجد) .
مضيفة : مو بس الدراما السورية فيها مشاكل، صدقوا المشاكل صارت بعقول البشر، لا الدراما دراما ..ولا النقد نقد ..و كل مين بيحكي اللي هو حابب يصدقو .. و كلو بيركض على مصلحتو بعدين بدو يجي يعطيك محاضرات شو لازم تعمل .
وختمت حديثها قائلة: (هذا هو زمن العجائب)
يذكر أن مسلسل ( الكندوش) هو أول أعمال شركة (إم بي) التي تقدم العمل الذي يجسد البيئة الشامية بإطار جديد من حيث الشكل و المضمون مختلفاً عن أقارنه من الأعمال السورية النمطية التي تناولت تلك البيئة ، و الذي يحقق نسبة مشاهدة لا بأس بها خلال الموسم الرمضاني .