رشا شربتجي تستذكر موقف رجولي للراحل فؤاد حميرة كان سببا في اخراجها لعمل "غزلان في غابة الذئاب".
رثت المخرجة السورية رشا شربتجي السيناريست فؤاد حميرة الذي توفي يوم امس في الاسكندرية بمصر اثر نوبة قلبية.
شربتجي استعرضت جانب من شركتهما في احد الاعمال: "شراكتي مع فؤاد حميرة ما كانت عابرة، لما قرأت فكرة مسلسل غزلان في غابة الذئاب اللي كاتبها تشجعنا سوا نقدم العمل وكان تحدي ألنا نحنا الاتنين وفعلاً كان نقلة نوعية بحياتنا ونجح نجاح كبير.
وروت شربتجي عن هذه التجربة وما جرى في كواليسها والموقف الرجولي للكاتب الراحل: "بهاد العمل كان ببالي مجموعة جديدة من الممثلين كنت مراهنة عليهن، بس الشركة رفضت بعض المقترحات بوقتها، وتم اختيار مخرج بديل للعمل، بس فؤاد رفض وسحب النص وقلهن هاد العمل ما بيخرجو غير رشا شربتجي، وفعلاً هاد اللي صار، كان موقف رجولة حقيقي منو، ومو غريب عليه هيك شي، دائماً كان ألو مواقف حلوة معي ومع كتير أشخاص بالوسط وبالحياة
وختمت شربتجي تدوينتها: "بدي عزّي حالنا والوسط الفني السوري بفقدان السيناريست فؤاد حميرة اللي قدم أعمال مهمة خالدة حتى اليوم بالدراما السورية، الله يرحمك ويصبر قلوب محبينك وشكراً على كل شي قدمتو:.