بعد قرار نقابة الفنانين بحق "بسام دكاك"، هجوم ضد منصة "يلا ترند" يطال "تولاي هارون".

بعد قرار نقابة الفنانين بحق "بسام دكاك"، هجوم ضد منصة "يلا ترند" يطال "تولاي هارون".

المشهد | متابعة حسن فخور


شن الجمهورُ حملةَ انتقاداتٍ واسعةٍ ضد كل من منصة "يلا ترند" والفنانة "تولاي هارون" بعد قرار المجلس القانوني لنقابة الفنانين بسحب تصريح إذن العمل من الفنان "بسام دكاك" نتيجة تصريحه الأخير حول طبيعة العلاقات داخل الوسط الفني في سورية، رغم خروجه بفيديو يعتذر ويوضح فيه من يقصد بكلامه.

واتهمت التعليقات المنصة بمحاولة التصيد في الماء العكر؛ لجمع التفاعلات بقصد الشهرة فقط، فامتلأت التعليقات بعباراتٍ تؤكد كلامه وأخرى تعترض أسلوبه، لكنها اتفقت في أغلبها بأن ما قامت به "يلا ترند" معيب وفق تعبيرهم.

"المشهد" رصدت أبرز التعليقات التي جاء فيها: "في مجال تحلّوا عن هالزلمة، هاد مو لقاء إعلامي ولا فني ولا أي شي! إذا اعتبرنا هو عم يطلب منكم تعملوا معه لقاء، فهموه أنه صورته قدام الجمهور عم تكون سلبية ومو حلوة! ليش كتير بتحبوا الفاينة والشر والفتنة؟!" ، "اللي فيه شوكة بتنخزه، ليش تدايقتوا طالما كلامه غلط؟!" ، ،"الحق ع مقدم البرنامج، بسام دكاك حكى وأعطى رأيه، واللي فيه شوكة بتنخزه، تولاي هارون
حكت ع زهير رمضان وقت الانتخابات واعترضت نجاحه، ووقت توفى صار الصديق والأخ الوفي! وسط كله تمسيح جوخ، روح دور ع غير هالمهنة أفضل."، "يعني قبل كنت واقف عن التمثيل وعم تبكي ووقت رجعوك زتيت حكي من دون ما تفكر، اسكت وحافظ  ع رزقك، ما بتعرف عنا الكلمه بطلقة؟! وما بتعرف الكل عم يستنى لينشر وينشهر ع حسابك وحساب غيرك!" ،" عمري ماشفت حدا صريح وواضح يحترم او يقدر لرأيه، دائماً يُهاجَم"، "عنجد الشغلة صارت مسخرة، أنت عملت اللقاء معه، وأنت هلق عم تعمل مقابلة مع النقابة والأخير عم تاخد رأيه بقرار النقابة!" ، "ليش كل هالحرب الإعلامية مشان كلمتين حق حكاهم، بس الأمور مكشوفة وتعرية الوسط الفني بهالطريقة ماعجبتكن." ، "لازم تتحاكم تولاي هارون هي كمان شهرت فيه ونعتتوا بالكاذب، أمركم عجيب!" ، "عنجد مفكرين حالكم نقابة بتعرف تحط وتشيل وتمنع وتسمح معناها كمان تولاي هارون لازم تتحاسب." ، لم يقف الهجوم عند الجمهور فعلق الصحافي "صهيب المصري" قائلاً: "يعني طالعتوا تصريحه وأنتم بتعرفوا أنه مسيء، ورجعتوا رحتوا على النقابة وتسببتوا بمنعه من العمل، يعني باباراتزي باختصار بدكم تعملوا تريند فقط."

يذكر أن "يلا ترند" منصة إعلامية فنية يديرها ويشرف عليها الإعلامي "عطية عوض"، وتهتم بأبرز التصريحات والمستجدات على الساحة الفنية في سورية.

شارك برأيك .. لتكتمل الصورة


استطلاعات الرأي

يجب ان تختار خيار قبل ارسال التصويت
التصويت على العمل الدرامي السوري الأبرز خلال الموسم الرمضاني الحالي:
مع وقف التنفيذ
كسر عضم
الفرسان الثلاثة
على قيد الحب
جوقة عزيزة
للموت ج2
الكندوش ج2
حارة القبة ج2
النتائج
مع وقف التنفيذ
كسر عضم
الفرسان الثلاثة
على قيد الحب
جوقة عزيزة
للموت ج2
الكندوش ج2
حارة القبة ج2