انقطاع الكهرباء عن حفل جورج وسوف وناصيف زيتون يثير سخرية السوريين على مواقع التواصل الاجتماعي
-
ريم غانم - 2021/08/01
- 1112
أثار انقطاع الكهرباء عن حفل ملعب الجلاء الفني الساهر في العاصمة دمشق لمدة خمس دقائق والذي أقيم بالأمس سخرية السوريين، حيث ملأت التعليقات الساخرة معظم الصفحات التي كتبت بتهكم وعتب كون البلد يعاني من أزمات كثيرة من تقنين جائر وصعوبة تأمين الخبز والمحروقات وغلاء المعيشة.
ومن ابرز التعليقات :
"من عين المواطنين الحفل موقف حتى اللحظة...
عادي مشان ما تغير شي على هالشعب العظيم..
حتى الاضواء تبع الجوالات عاساس يكسرو الروتين مافي غير تسع جوالات مضوية .. وسلطان الطرب شو وضعو شوفو اذا ماوصل عالحفلة خلي يرجع على بيتو.. مشان نوزع بقية الكهرباء ع بقية المحافظات اميري
عايش بالنعيم وما حاسس اميري .. ع كل حال نحنا البلد الوحيد بالعالم يلي التعليم فيو مجاني..
الحفلة بعد قطع الكهربا برعاية كل واحد يخلي بالو من لغاليغو ..
تستاهلووو لكن ناس بالبيت وناس بالحفلات
كم مرة لازم نقول قبل ماتعملو حفلات وتتورطو وتفكرو حالكن مو منقصين عالشعب شي زبطو وضع الكهربا
له له له...زعلنا كتيير من هالخبر الهام جدا...
من عين المواطنين ؟ اي العين تطرقكن
إنشالله بيشوب ناصيف و جورج وسوف و بيأثر الشوب ع صوتن منشان تروحوا عالبيت .....
بلدي_لاخبز_ولا_كهربا.. نقطع وقت كان ناصيف عم يغني... ونحن كنا ناطرين سلطان الطرب سلطان قلبي وقت اجا كلشي ضوا مو بس قلوبنا.. لك والله هالحفلة متل يلي كانوا عم يعزفوا بسفينة التايتينك والسفينة عم تغرق!!
وتداول رواد مواقع التواصل الاجتماعي عدة فيديوهات تُظهر غناء الفنان، ناصيف زيتون، لإحدى أشهر أغنياته “بربك” وتلتقط الكاميرات تفعل الجمهور مع غنائه، ثم فجأة يختفي المسرح ويغرق الجمهور في العتمة ويعم الصمت للحظات، وذلك بسبب انقطاع الكهرباء عن ملعب الجلاء الرياضي الذي أقيم الحفل فيه.
