حظك مع الفلك وتوقعات الأبراج اليوم الجمعة

حظك مع الفلك وتوقعات الأبراج اليوم الجمعة

المشهد - منوعات

مولود اليوم 12 تموز

إذا كنت مولودا فى يوم 12 تموز فإن ذلك يعنى أنك مغامر من الدرجة الأولى، وتحب السفر وتميل نحو اكتشاف كل جديد، كما أن لديك موهبة فى الكتابة وفى التعبير عن أفكارك، لكن قد تكون مشوش العاطفة أحيانا.

هذا العام يمثل بالنسبة لك مرحلة شعور بالتشتت والتشوش، ومع ذلك قد تساعدك اتصالاتك وعلاقاتك الاجتماعية فى كثير من الأحيان على حل مشاكلك فقط إذا استطعت أن توسع دائرة معارفك ستظهر لك فرص جيدة.

برجك اليوم

برج الحمل

مهنياً:من الايام الي عم يكون الحظ معك تطورات حلوة قدامك والفلك بيدعمك وعندك نشاط لتنجز اعمالك وحل لقضية معقدة وممكن فرصة لتصالح حدا او تهتم بحدا اليوم وسهرة مع شخص غالي ولمة حلوة عم تكون حتى ممكن يوصلك مال من شغلك وممكن تنجح بحلول ومفاوضات وفي تقدم بوضعك … ولمسا لامور افضل بكتير وبتنجح وطاقتك بتزيد وعزايم وسهرة وخبر حلو .
عاطفياً:ارتباط وحلول وكلو من المسا .. لا تتسرع بقراراتك وكون هادي وبلاخص بأختيار الأشخاص المناسبة الك .. لا تكرر تجاربك السابقة حتى لا تقع مرة أخرى .. وفرصة للبعض ليقضي وقت حلو وتكون الاجواء افضل ومفائلة المسا لان جاذبيتك وسحرك ملفتت لنظر .
صحياً:عليك ببذل مجهود كبير لتتجاوز ازمة صحية او لتلاقي حل للبدانة الي عم تزيد وهاشي اكيد عم يكون في تحديات كبيرة.

برج الثور

مهنياً:مو مرتاح بفترة لنهار بحاجة لدبلوماسية ورواق ومن المسا انت افضل ..حاول انك تصلح بعض المواقف والامور الي تعبتك او انت ماعرفت كيف تتعامل معا بشكل صحيح تبع سياسة بتعاطيك مع الأمور وبلاخص مع ناس الي حواليك حتى ماتفقد شراكة مع حدا او علاقات مع أشخاص .. والمسا انت افضل تطورات وبتلاقي حلول لمشاكل ولقاءات وفرص لعقد او تفاق .
عاطفياً:استغل هاليوم لان عندك وقت تحل مشاكل تعبتك وبلاخص الي صارت منذو فترة فرصة قدامك أستغلها قبل ماتكبر وتتفاقم وما تقدر تسيطر عليها.. والمسا في لقاء واجواء حلوة وحلول وممكن البعض يتم شراكة عاطفية وارتباط..
صحياً:تجنب الحلويات هذه الفترة فقد تسبب لك مشاكل صحية وبلاخص المصنعة خارج البيت.

برج الجوزاء

مهنياً:تعب بنهارك وحلول المسا .. من الايام المتعبة وعم يكون في تراكم اعمال عليك وفي مواضيع عم تشغلك ولافضل الك انك تنظم وقتك وامورك وتخلص امورك المهمة وحاول لا تكون عنيد اليوم وحافظ على استقرار علاقاتك مع ناس المحيطة فيك وفي امر مالي عم يشغلك وقصة ببيتك .. والمسا افضل وحلول وشراكات وبتعالج بعض الامور العائلية.
عاطفياً:رغم انو في ناس كتير حواليك بس انت مانك مرتاح من جوا وتعبان والغيرة بهاليوم عم تسبب مشاكل وعم توصلك لطريق انت مابدك ياه خليك حذر وبشكل كبير من هاشي وكون متفهم للوضع حتى تظبط أمورك .. والمسا حاول تلاقي طريقة افضل لتصلح الامور وتتقرب اكتر من الشريك.
صحياً:لا تفسد اي قرار تخذته بشأن وضعك صحي ولا تتوقف عن ممارسة الرياضة واذا مابلشت فيها لازم تاخد قرار بهاشي .

برج السرطان

مهنياً:تحسن بنهارك بس المسا في وضع متعبك .. تقدم نسبي بوضعك وامورك عم تنحل شوي شوي لكن هاشي بطيء الحظ بحالفك كمان اليوم بنهار بس بدك تعرف كيف تستغل الفرص حتى ممكن اتصال مهم او لقاء وخبر بيسعدك وبتلاقي حل لمشكلة كمان .. نتبهلي المسا لوضع ممكن تعيشو ويأثر فيك نفسياً او وضع عائلي وقصة لحدا من اهلك بتشغلك.
عاطفياً:أستغل جاذبيتك وسحرك وبتكون ملفت لنظر.. من الايام الحلوة لتصلح علاقتك وتحط نقاط على الحروف وتبتعد عن العصبية وتفكر منيح لان يومك حلو وعاطفة مميزة ليصير ارتباط وتفاهم اذا كان في مشكلة حتى عم يكون في تضحية او تنازل لحل بعض الامور العالقة.
صحياً:مارس بعض تمارين الخفيفة بشكل يوم وبلاخص تلك لتي تخص الكتفين ورقبة.

برج الأسد

مهنياً:مثلث فلكي مهم المسا.. عطارد ببرجك والقمر ببرج القوس مايعني انك امام تغيرات مهمة ونجاح وشهرة .. هدي بنهارك ومواضيع مهمة عم تشغلك كتير بوضعك وهاشي لازم تدفع في بتجاه مصالحك وتكون خطواتك مدروسة وبدون تسرع ومن اهم المواضيع الي ممكن تشغلك عقارات وشراء او بيع او نقل قريبا اذا مفكر بهيك شي تحسن وانفراج مهنياً ومالي وممكن توصل لنجاح كبير وحل لمشكلة من المسا وبلاخص بما يخص اوراق عقود دراسة .
عاطفياً:واجه صعوبات والعراقيل الي عم تكون بنهارك ونتبه لكلامك ولا تتسرع برغم الشريك عم يتعبك بس الحب بيحتاج لتضحية حتى لو مابقدر الشريك هاشي .. امورك المسا افضل وتواصل افضل وحلول جيدة لوضعك وجاذبيتك بتزيد ورومنسي ..ولاعزب زهرة والشمس ببرج السرطان جهزلي حالك لأجواء عاطفية مهمة قريباً جداً ولحدث عاطفي مفرح .
صحياً:توتر وضغوط نفسية قد يدخلك بمشاكل صحية انت بالغنى عنها..وممكن عدوى تصيبك تجنب الأشخاص المريضين بهاليوم .

برج العذراء

مهنياً:تطورات حلوة بنهارك بس المسا عندك مشكلة وقصة بتشغلك .. امورك افضل مدعوم بالحظ وشغل وبتحصل على حلول لمشاكل وفرصة لتشوف حدا غالي ومميز عندك وفيك تروح مشوار او اذا حاطت بالك سفر قصير وعلاقاتك عم تكبر واجتماعي كمان.. المسا بدي منك تنتبه على حالك لانو في قصة ممكن ترجع على الواجهة وممكن في تنازلات لتتخلص منا.
عاطفياً:من الايام المميزة عندك لتوضح قدامك كتير امور وممكن عم تتأكد من مشاعر وأحاسيس طرف الاخر مما يجعل الامور افضل وبساعدك لتحل مشاكل مع الشريك وفي علاقات قديمة عم تتطور وهاشي عم تعيشو بينك وبين نفسك ومحتار بقراراتك .. منيح هاليوم للقاء وتواصل واتصالات والمسا بدك تروق وبلا عصبية .
صحياً:بعض المشاكل المهنية و العاطفية و العائلية قد تسبب لك حالة توتر وهاشي ممكن يأثر على معدتك كتير نتبه.

برج الميزان

مهنياً:تفكيرك بكتير امور عم يخلي تستخدم جميع طرق والاساليب بغية الوصول الى هدفك عم تكون متحرر وامام فرص لتحقق شي وتنجز شي ونقاش بأمور بتخصك وممكن شي كان ببالك يصير هاليوم وخبر مهم المسا ممكن تتلقاه بيعطيك دافع كبير وفرصة لتحصل على المال وتحسن بخص شغلك هاليومين.
عاطفياً:مانك مرتاح له لوضع بنهار لهيك بدي منك لا تجبر حالك على شي وبلاخص مع الشريك حتى ماتوقع بمشكلة اكبر او تستخدم طرق ملتوية لتحصل على شي روق بنهارك والمسا العلاقة ممكن تتحسن ويكون في شي مهم واذا ناطر اتصال او لقاء فا ممكن يصير المسا وتتطورات منيحة بوضعك .
صحياً:عم تتعرض لصداع في رأس وسبب كتر التفكير بأمور كثيرة.

برج العقرب

مهنياً:يومك مميز بالعلاقات المهنية والاجتماعية عم تكون افضل بهيك يوم الحظ معك وبساعدك لتوصل وتنجح وتنظم امورك منيح وتلاقي حل لعدة مشاكل تعبتك وناس مقربة حدك وعم تقضي لقاء او سهرة حلوة وممكن تفكر بسفر قصير وفي قضايا مالية عم تشغلك بحاجة لحلول لكن عندك القدرة تلاقي حلول الها لان في فرصة لتحصل على مال والمسا هدي حالك وبلا ماتخلي شي يأثر عليك وبعد عن الانفعال والعصبية وتجنب توترات .
عاطفياً:وضعك افضل اليوم لتبدا ارتباط جديد اذا كنت خالي من الحب واذا مرتبط فترة من الانسجام ممكن تمر فيها مع انك بحاجة لهيك فترة داعمة لتتطلع من هموم ومشاكل كانت موجودة .. لقاءات مهمة ورومنسية بيومك والبعض بصحبة الشريك لمكان ما.
صحياً:دائماً تابع امورك صحية واجراء فحوصات للازمة..لا تهمل صحتك واحرص عليها.

 برج القوس

مهنياً:مو مرتاح بنهارك والمسا الفلك داعم الك القمر ببرجك مع عطارد ببرج الأسد انت مقبل على تتطورات كبيرة هالفترة وبتبلش تدريجي من المسا لتلاقي لفرق .. مو مرتاح وتعبان بفترة لنهار وحاسس كلشي ضدك ومافي شي عم يظبط وامورك مكركبة شوي بدي منك تروق ولا تعمل مشاكل او تخلي حدا يستفزك.. لمسا امورك افضل خبر حلو ونجاح بيومك بعمل قد انجزته وخطوة جديدة عم تخطيها وممكن تجهز لشغل جديد وأمورك افضل مهنياً ومالياً وعائلياً هاليومين .
عاطفياً:روق بنهارك ولا تستبق الامور وتفهم الوضع لان هاشي بساعدك تحل مشكلة وتتجاوز ازمة عاطفية ممكن تكون دخلت فيها مانك مرتاح بعلاقتك لكن المسا عم يتغير كلشي وعم تتحمل مسؤوليات وممكن شريك يقدم تنازل ليصير الوضع افضل واجواء حلوة وتتطورات رومنسية وممكن ارتباط عند البعض امورك من المسا افضل جاذبية وسحر خاص .
صحياً:كتير منيح انك تتخذ قرار بشأن وضعك صحي وتقاوم المغريات وتهتم فيها اكتر.

برج الجدي

مهنياً:امورك بنهار افضل بس المسا مو مرتاح .. بيحملك هاليوم تطورات حلوة ومساعدة وممكن تبلش امورك نوعاً ما تتحسن وانت كتير قريب من تحقيق هدف مهم عندك لهيك بدي منك تبذل جهد كبير وتعالج المسائل بهدوء حتى رفقاتك بكونو حدك وناس جديدة وشخص غالي بتشوفو لقاءات واتصالات مهمة وعزيمة .. والمسا قلقان شوي وبتنشغل بأكتر من قصة وضغط ومسؤوليات لازم تخلص شغلك بكير .
عاطفياً:من الايام الي عم تهتم فيها بحالك وعم تكون جذاب بحضورك ولقاءات واتصالات بس بدي منك لا تدخل بعلاقة مارح تجيب نتيجة وبلاخص اذا كنت مقتنع انها لن تجدي نفعاً لهيك حاول تفكر منيح باي شي تبلش في عاطفياً .. والبعض الاجواء حلوة بنهارك وفي تطورات بعلاقتك وانت منيح.
صحياً:انت بحاجة لتمارين رياضية وبلاخص انك اهملت رياضة منذو وقت طويل خصص وقت لذلك.

برج الدلو

مهنياً:تعبان بنهارك سبب عندك ضغط وشغل وماعم تعرف كيف تبلش وبلاخص ماعندك طاقة له شي والوضع بحاجة لتهتم اكتر وتدفع بمصالحك نحو الأفضل بلاخص اذا عندك لقاءات مهمة ومع شخص مهم بدي منك تروق لتحصل على الخطوة الاخيرة الي عم تكون دائماً ناقصة او ماعم تكمل معك .. فرصة لتحصل على شي نطرتو من زمان او لقاء بشخص واتصالات كتيرة ..والمسا انت افضل وتطورات وحلول كتيرة عندك .
عاطفياً:بدي منك تستغل هالفترة لان انا شايف امورك عم تستقر وفرصة اجيتك لتحسن وضعك العاطفي فكون جاهز له شي وماني شايفك هالفترة لحالك ممكن يحصل مستجدات مهمة وتتطورات افضل بعلاقتك العاطفية.
صحياً:لا تخلي تفكيرك والهواجس تاخد وقت كتير منك وسبب انك خايف على مستقبلك صحي.

برج الحوت

مهنياً:من الايام الي عم تكون فيها مصالحك وامورك مدعومة بحظ لتبدء او لتحقق شي طال انتظاره يوم في حلول وانفراج وطاقة وتنقل وسفر قصير وبعض العلاقة الاجتماعية المميزة وفي سهرة وزيارات حتى ممكن تتعلم شي جديد وخبرات جديدة والمسا قصة بتشغلك وامر مهم بحاجتو عم يشغلك وقصص لازم تلاقيلها حل .
عاطفياً:تطورات عاطفية بيومك وعم يتحسن الوضع تدريجي وممكن عم تقضي يوم حلو كتير وانسجام وتفاهم وفرحة على هذا صعيد لتجتمع بشخص ..حتى ممكن البعض يدخل بحب جديد ويوقع بغرام شخص ما وبلاخص انت كتير جذاب وحليان اليوم لمسا بدنا نهدي الوضع شوي ومابدي شي يأثر عليك .
صحياً:من الايام الي صحتك عم تتحسن فيها بشكل تدريجي لو كان باقي اعراض خفيفة من مرض .

شارك برأيك .. لتكتمل الصورة


استطلاعات الرأي

يجب ان تختار خيار قبل ارسال التصويت
هل تعتقد أن الوقت قد حان لبدء تطبيق الدفع الإلكتروني في سوريا؟
نعم، حان الوقت لبدء تطبيقه وفرضه فوراً وهو ضروري للاقتصاد
لا، يجب إعداد بنية تحتية تقنية ومن ثم البدء بفرضه
لا، غير جاهزين بالوضع الراهن نهائياً لتطبيق الدفع الإلكتروني
النتائج
نعم، حان الوقت لبدء تطبيقه وفرضه فوراً وهو ضروري للاقتصاد
لا، يجب إعداد بنية تحتية تقنية ومن ثم البدء بفرضه
لا، غير جاهزين بالوضع الراهن نهائياً لتطبيق الدفع الإلكتروني

الأكثر مشاهدة هذا الشهر