هل تعجز وزارة التربية عن جعل الورقة الامتحانية صفحتين لتخفيف الضغط النفسي؟

هل تعجز وزارة التربية عن جعل الورقة الامتحانية صفحتين لتخفيف الضغط النفسي؟

شادي صالح

عندي سؤال فضولي بتمنى تخبروني عن تجربتكم، كم مرة صارت معكم بامتحان أنو ماشفتو جملة أو كلمة معينة بورقة الامتحان بسبب الضغط النفسي أو السرعة أثرت بالنهاية على أدائكم ونتيجتكم؟ أو حتى انتبهتو لتفصيل صغير بمسألة بعد ما بلشتوا حل و تفكير فيها؟
أنا شخصيا صارت معي هيدي القصة أكتر من مرة.

إذا نظرنا لورقة أسئلة الفيزياء بامتحان الشهادة الثانوية العامة العلمي بسورية قديش برأيكم الطالب حط جهد بقراءة الأسئلة مرة ومرتين وتلاتة حتى يتأكد أنو ما نسي أي تفصيل ؟
وياترى إاذا سألنا حالنا: ياترى شو مدى تأثر العوامل التالية على أداء الطلاب:
- صغر حجم الخط
- قلة التباعد بين الأسطر
- عدم وجود سطر فراغ بين الأفكار المهمة بنفس المسألة تساعد الطالب على التحكم بتسلسل تحليلهم لمعطيات المسألة وفصل الفرضيات بنص المسألة عن المطلوب؟ 
هل ياترى قضية كتير كبيرة وصعبة ومكلفة انو تصير الأسئلة على ورقتين بدل ورقة واحدة؟ ماننسى انو عم نحكي عن أهم امتحان بحياة الطالب بسورية وبحدد مستقبلو كليا عليه لذلك الضغط النفسي عند الطلاب أكتر بكتير مما منتصور، وبرايي ضروري جدا أنو كل العوامل يلي فيها تتحكم فيها وزارة التربية لتخفيف هيدا الضغط لازم يتم النظر ألها ومعالجتها؟

إضافة تعليق